حي الورود.............

مساء الخير للجميع ..

هذه قصيده كتبتها بمصر .. بمطعم فرايديز ... وأعتقد يعرفونه اللي يروحون لمصر .. لأنه مطعم وكوفي .. مشهور هناك .. المهم ما علينا من هذا كله ..

السالفه والقصه خلوها في بطن الشاعر

أخليكم مع القصيده ..

القصيده بصوتي .............................................

يا ورده ساكنه بحي(ن) يشابه أسمها الورود
عليك الله وأمانه تحسي بقلبي التعبان ..
لا تنسي بيننا عشره يمشي وقتها بركود
تشهد مصر لأيامن قضيناها بلا كتمان ..
صدفتك في مكانن عام وطبعي بالنظر محدود
ثقيل وطبعي الهادي يفرض هيبتي سلطان ..
ذكرت اللحظه يوم شفتك ويومن بالهنا موعود
لأني في حلاك اسأل وأقول أنها ماهيب أنسان ..
هذه حور ولا أيش ؟ وربي حالتي يا سعود ..
تردت يوم شفت العين تناظرني وأنا شفقان ..
قلي كيف أبوصفها وأنا أشوف العيون السود
تجهر في سماء شوفي وتعمي نظرة الأعيان ..
ولا حمرة تسطع يخالطها بياض خدود
تحتها شفتين صغار وعنقن بالحلا مليان ..
تطالعني وأطالعها وأحس أن الحيا مردود
وفي كل نظره تناظرني عليها صرت أنا الولهان ..
ضحكت بوجهها ضحكه وأنا أدري أن الغلا مولود
بداية حمله الأعجاب ونهاية مولده خلان ..
أبي منها تبادلني وأكره موقف المجحود
أبيها ترضي غروري ولا أركب نظرة النسيان ..
أبيها تدخل بقلبي وتشوف أن الوله موجود
عشان تحس بأحساسي وتدرك كيف أنا هيمان ..
أبيها تحضن أطيافي بيديها والكبر منقود
أبيها تشعل الجلسه ويضيق من حولنا المكان ..
أبيها أبيها وأبيها أبيها كل يوم رعود
وتبرق في سماء نبضي وتمطر بالغلا وجدان ..
بعد هذا أبي رايك تراني بالجفا منكود
كرهت الدنيا والعالم وصرت بحالتي حيران ..
عشقت عيونها وحبيت كل شيء بيديها تجود
رهنت القلب لرضاها وعمري كلبوه رهان ..
عسفت المهره وجندت من أشواقي كثير جنود
أبي أغزي سواحلها وأعمر من غلاها أوطان ..
أموت بروحها وياليت تبطل عن وصالي صدود
أنا من لي بعد ما طحت في حفرة عشقها مرضان ..
تكفى خبر الورده أنا مالي بجفاها فود
و لو طول جفاها حيل صدقني أنا الخسران ..
وخبرها إذا قفت ترى مالي بهواها قعود
لأني كل ما غابت اموت وأندفن بأكفان ..
مع أني من غلاها اليوم شيدت المحاني سدود
وبرهنت لكثير قلوب بأنه غالي الأثمان ..
عسى هالشيء يشفعلي وغلانا كل يوم يزود
ويحفظ وردتي وأرتاح وأعيش بقربها فرحان ..

.................................................. ...........

في الختام تقبلوا تحياتي ..

ولك الاحترام والتقدير

وتسلم على القصيده الجميله

مشاء الله عليك

بجد روعه

ربي يعطيك العافيه

ماشاالله
تسلم على الموضوع
تقبل مروري