يالي تحبينه ترا صدق يهواك............ واكبر دليل انه يغار ويدعيك
سماك قلبه من محبتك سماك .......... يعني قليل ان قلت هالشخص يغليك
استغفر الله ان قلت مخلوق لرضاك ....... اكبر اماني دنيته بس يرضيك
لا نام ساعه قاله اسمك وناداك ......... حتى في منامه صار والله مناديك
لا جاه رقمك قال لبيه يحكاك ....... ويقهر قمر ليله اذا جا يحاكيك
تخيلي من طيبته وين وداك ......... وده يحطك بين رمشه ويخفيك
بالله قولي مثل هالشخص ينساك ...... لا لا وربي خوته بس تكفيك
دايم جوابه لاطلبتي انا فداك ......... يعني كذا وبلا عقل صار يفديك
والواجب انك مثل ما جا وراعاك ....... الواجب انك تراعيه غاليك
ترا الاكيد انه يحبك ويهواك .......... واكبر دليل انه يغالط ويدعيك
قصيده من كلمات : مانع بن شيبان
